Hvernig á ég að bóka í ferðina

Til að bóka í ferðina geta viðskiptavinir farið inn í bókunarvél okkar.
Bókunarvélin okkar er takmörkuð og vonumst við til þess að fólk sýni því skilning, en unnið er að nýrri og endurbættri bókunarvél.

Einnig er hægt að hafa samband við starfsfólk okkar í síma 4600600, senda tölvupóst á verdi@verditravel.is eða koma á söluskrifstofu okkar. Þjónustufulltrúar okkar hjálpa ykkur með glöðu geði.

Opið er á milli 09:00-16:00 alla virka daga.

Staðfestingargjald og fullgreiðsla

Staðfestingargjald í ferðina er 40.000 kr. per farþega.
Staðfestingargjald er óendurkræft.

Ferð skal vera fullgreidd eigi síðar en 6 vikum fyrir brottför.

Akstur til og frá flugvelli

VERDI Ferðaskrifstofa er ekki með skipulagðar rútuferðir á hótelin. Þeir sem vilja fá fyrirfram bókaðan akstur skulu hafa samband við starfsmenn okkar.

Hópar og stórfjölskyldur geta fengið tilboð í akstur.

Fararstjórn

Enginn íslenskumælandi fararstjóri verður á okkar vegum í ferðunum. Ferðaskrifstofan mun hafa enskumælandi starfsfólk til staðar sem getur aðstoðað fólk.
Ef farþegar lenda í vandræðum verður þeim bent á að leita þangað.

Sætisfrátekning og betri sæti

Engin betri sæti eru um borð í vélum Nice air.

Hægt verður að taka frá sæti í flugið – leitið upplýsinga hjá starfsfólki okkar.

Covid málefni

Við hvetjum fólk til að kynna sér reglunar um ferðalög til og frá Íslandi. Hér má nálgast upplýsingar á Covid.is

Farþegar geta reiknað með ákveðnum sóttvarnaraðgerðum og að grímuskylda sé á völdum stöðum á Tenerife.

Við hvetjum farþega til þess að kynna sér vel gildandi sóttvarnarreglur – bæði fyrir brottför og komu.

Get ég keypt stök flugsæti?

Um er að ræða pakkaferð og því miður ekki seld stök flugsæti. Fyrir stök flugsæti bendum við beint á heimasíðu Niceair

Afbókun, nafnabreytingar og annað

Afpöntun ferðar og endurgreiðsla fer eftir Ferðaskilmálum.

Ekkert er hægt að kaupa forfallatryggingu í ferðina.

Fæði á hótelum

Á hótelunum sem í boði eru er oftast hægt að velja um mismunandi fæði. Hér fyrir neðan má sjá útskýringar:

Self catering = Ekkert fæði innifalið
Breakfast = Aðeins morgunverður
Half board = Morgnverður og kvöldverður. Stundum hægt að skipta yfir í hádegisverð. Það þarf að semja við hótelið á staðnum.
Full board = Morgunverður, hádegismatur og kvöldverður.
All inclusive = Fullt fæði og innlendir drykkir.