Á Costa Ballena er lagt upp með að allar aðstæður til golfiðkunar og umgjörð ferðarinnar svo sem gisting, fararstjórn og þjónusta séu fyrsta flokks.

Golfsvæðið er hannað af tvöföldum US Masters meistara, José María Olazábal. Golfvöllurinn er 27 holur auk 9 holu par 3 -vallar. Svæðið liggur við ströndina og er meðal stærstu og best útbúnu kennslu- og æfingasvæða á Spáni, með driving range, stórri púttflöt, vippsvæðum og glompum.

Vellirnir bjóða upp á alvöru golf fyrir kylfinga á öllum getustigum og eru tiltölulega sléttir og þægilegir til göngu. Par-3 völlurinn er skemmtilegur og krefjandi, staðsettur við ströndina þar sem stysta brautin er um 100 metrar og sú lengsta um 180 metrar.

Klúbbhúsið er vel staðsett í göngufæri með veitingastað, bar og verönd með útsýni yfir æfingasvæðið.

Í næsta nágrenni eru um 14 glæsilegir golfvellir og fjölmargir heillandi smábæir þar sem notalegt er að njóta mannlífs og menningar. Aðeins um 20 mínútna akstur er til Jerez og um 40 mínútur til hinnar sögufrægu borgar Cádiz.

Nánari upplýsingar um golfvöllinn og aðstöðuna má finna á: www.ballenagolf.com