VERDI travel býður upp á pakkaferðir á Enska boltann tímabilið 26/27.

Almennar upplýsingar:
Í öllum okkar pakkaferðum okkar á Manchester United leiki er innifalið flug (ásamt töskum og sköttum), gisting miðsvæðis í Manchester með morgunverði og miði á leikinn.
Flogið er með Icelandair frá Keflavík, nema annað sé sérstaklega tekið fram.
Verðin í ferðirnar eru miðuð við að ferðirnar séu bókaðar og greiddar á netinu.

Farangursheimild í flug:
Icelandair: 23 kg innrituð taska og handfarangur.

Miðar á völlinn:
Miðar á völlinn eru sendir til farþega sirka 2-6 dögum fyrir leik. Farþegar munu fá miðana til sín rafrænt en starfsfólk VERDI Travel mun veita viðskiptavinum allar helstu upplýsingar nokkrum dögum fyrir leik.
Við gerum okkar allra besta í því að farþegar sem ferðast saman fái að sitja saman á vellinum.

Ferðalýsing með öllum nánari upplýsingum og tímasetningum verða sendar út til farþega c.a. tveim vikum fyrir ferð.

ETA - Rafrænt ferðaleyfi til Bretlands:

Frá og með 2. apríl 2025 þurfa Íslendingar á leið til Bretlands að hafa sótt um rafrænt ferðaleyfi (ETA, Electronic Travel Authorisation) áður en þeir ferðast en opnað verður fyrir umsóknir 5. mars 2025.

Íslenskum og öðrum erlendum ríkisborgurum, sem ekki hafa dvalarleyfi í Bretlandi, verður skylt að hafa fengið ETA áður en þeir ferðast til Bretlands óháð því hvort lokaáfangastaður sé Bretland eða um millilendingu sé að ræða. Þetta á bæði við um þá sem ferðast til Bretlands í einkaerindum og styttri vinnuheimsóknum.

ETA kostar um GBP 20 og gildir í tvö ár frá útgáfudegi eða þar til vegabréf viðkomandi rennur út ef það er innan þessara tveggja ára. Auðveldast er að sækja um ETA með „UK ETA app“ smáforriti, fyrir iPhone og Android síma, en einnig er hægt að sækja um á vefsíðu breskra stjórnvalda, GOV.UK.

Sjá hér upplýsingar frá Stjórnarráði Íslands

 ETA umsóknir sem og önnur ferðaleyfi eru ávallt á ábyrgð farþegans.