Gönguferð á Santorini 

Fararstjóri er Steinunn Harðardóttir

Gönguferð á Santorini 7. sept. - 17. sept. 2026
Í þessari spennandi ellefu daga ferð verður flogið til Krítar og lent við Hania, þaðan er ekið til Heraklion og siglt með ferju til Santorini og næstu 7 nætur verður gist þar í bænum Perissa. Gengið verður upp á eina fjall eyjarinnar Profitis Ilias 560 mys, þar er áhugavert klaustur og útsýni yfir alla eyjuna. Gengið til Akrotiri þar sem tækifæri gefst til að skoða rústir bæjarins sem fór undir hraun í eldgosi um 1700 fyrir krist.
Þá verður siglt til eyjarinnar Kameni sem er í miðri öskjunni, eldfjall klifið og farið í bað í heitum lindum. Einnig verður gengið frá höfuðstaðnum Fira til Oia sem er einn fallegasti bærinn á eyjunni, þar eru hvít hús sem hafa verið byggð inn í klettana, hvítar kirkjur, blá þök, og stórkostlegu útsýni yfir öskjuna. Síðasta gangan er til hinnar fornu Dórísku borgar Thiru, þar verður áhugaverður fornleifauppgröfur skoðaður. Að lokum er hægt að slaka á ströndinni eða kynna sér mannlífið á frjásum degi á Santorini, einnig eru frjálsir dagar í bænum Heeraklion á Krít áður en haldið er aftur heim. Santorini (Thera) er 110 kílómetrum norðan við Krít og hefur yfir sér mikinn ævintýraljóma, vegna sérstæðrar sögu, jarðfræði, landslags og bygginga. Santorini sögð geyma leyndarmálið um hið horfna Atlantis. Eyjan er í raun það sem eftir er af eldfjalli sem sprakk fyrir 3600 árum og eyddi byggð á svæðinu. Þá myndaðist stór vatnsfyllt askja umlukin mörg hundruð metra háum öskulögum. Þetta er eitt stæsta eldgos sem skráð hefur verið og flóðbylgjan sem því fylgdi hefur haft áhrif á endalok Minoa menningarinnar á Krít.
Sumir telja þetta eldgos grunnurinn að goðsögninni um Atlantis.

Dagur 1 Keflavík-Krít
Haldið frá Keflavík um morguninn, komið síðdegis til Hania og ekið þaðan til Heraklion (um tveggja og hálfs tíma akstur). Stoppað verður á leiðinni til að snæða kvöldverð. Gist á hótel Olympic eða sambærilegu hóteli næstu nótt, https://www.hotelolympic.com/

Dagur 2 Siglt til Santorini 
Snemma morguns er haldið niður á höfn og þaðan með ferju til Santorini. Síðan með rútu á suðurhluta eyjarinn til bæjarinns Perissa sem er við sjóinn. Gistiheimili og hótel á svæðinu eru lítil og fjölskyldurekin. Við höfum eitt eða tvö hótel til umráða sem eru mjög nálægt hvoru öðru líklega Hótel Phevos villa www.phevosvilla.gr Ef ekki þá sambærileg hótel. Morgunverður á hóteli og kvöldverður á veitingahúsi í nágrenninu.

Dagur 3  Emporio-Akrotiri
Við látum skutla okkur frá hótelinu til Emporio sem er einstaklega fallegur og vel varðveittur bær með gömlum þröngum götum. Efst á hæðinni sem hann stendur við eru borgarmúrar og hálf hruninn kastali. Það er mjög gaman að skoða húsin innan múranna sem eru margra alda gömul. Síðan er gengið áleiðis til Akrotiri yfir mjög sérstæða vínakra þar sem vínviðurinn myndar eins og stór hreiður. Í Akrotiri var blómlegt menningarsamfélag um 3000 fyrir krist, hellulagðar götur og þróað holræsakerfi. Þegar Santorini gaus um 1700 fyrir krist lagðist þykkt öskulag yfir bæinn. Hluti hans hefur verið grafinn upp og gerður aðgengilegur ferðamönnum. Eftir góðan lautarverð geta þeir sem vilja fengið tíma til að skoða þennan einstaka stað. (12 evrur) Frá Akrotiri er haldið að sérstæðri strönd með rauðum sandi, stundum gefst tækifæri til að taka þar sundsprett. Síðan er ekið með rútu heim til Perissa. Gengið ca 3- 4 tíma lítil hækkun og lækkun.

Dagur 4 Fjallið Profitis Ilias
Þennan dag er haldið frá Perissa til gömlu Thiru og upp á hæsta fjall eyjarinnar Profitis Ilias (560mys) að klaustrinu sem er á toppnum. Af fjallinu er útsýni yfir alla eyjuna. Síðan er haldið niður eftir steinlögðum stíg (calderimi) til bæjarins Pyrgos sem er umlukinn borgarmúrum. Eftir góðan hádegisverð í bænum er gengið heim á hótel sem er rúmlega klukkutíma gangur.Leiðin liggur um vínekrur og einstaklega fallegt lítið gil í útjaðar bæjarins Emporio. Gengið 6.5 tíma hækkun/lækkun 560 m. Þeir sem þess óska geta fengið akstur til baka frá Pyrgos.

Dagur 5 Á sjó og eldfjalli
Haldið er með báti til eldfjallaeyjarinnar Kameni sem er í miðri öskju Santorini. Eftir göngu upp í gýg eldfjallsins sem gaus síðast 1950 er siglt að eyjunni Litlu Kameni og þeir sem vilja geta hoppað í sjóinn af bátnum og synnt að heitum uppsprettum sem eru við ströndina. Að lokum er haldið til eyjarinnar Thirassia. Þar er gaman að skoða skemmtilegt þorp sem stendur á klettabrúninni. Þaðan er einstakt útsýni yfir á appelsínugular brúnir gýgsins sem eru beint á móti. Gengið 2 tíma hækkun/lækkun 200m.

Dagur 6 Fira-Oia
Ekið er til bæjarins Fira sem er höfuðstaður eyjarinnar og gengið eftir brún öskjunnar til bæjarins Oia sem af mörgum er talinn fallegasti bær Santorini. Þaðan blasir við stórkostlegt útsýni til sjávar og yfir hvít hús með bláum þökum sem standa á öskjubrúninni, áberandi er hefðbundinn byggingastíll, fjölmörg kaffi-og veitingahús og litlar verslanir. Við gefum occurs góðan tíma í Oia og bíðum eftir sólarlaginu. Það er gaman að fylgjast með því frá kastalarústum í bænum. Eftir kvöldverð er ekið til baka og komið á hótel milli 22-23 Gengið ca 12 km 4-5 tíma, hækkun/lækkun 330m

Dagur 7  Messavouno-Kamari
Í dag höldum við gangandi frá hótelinu til gömlu Thira, fornbæjar sem stofaður var af Dórium á 8.öld.f.kr.Síðar bjuggu þar afkomendur Alexaders mikla. Við skoðum fornleifauppgröftinn sem er efst á fjallinu Messavouno (369m) og höldum svo niður til bæjarins Kamari og þaðan með bát til Perissa. Gengið 4 tíma hækkun/lækkun 365m

Dagur 8  Frjáls dagur á Santorini 
Hádegis og kvöldmatur ekki innifalinn

Dagur 9  Santorini- Heraklion
Haldið með ferju til Heraklion þar sem gist er næstu tvær nætur líklega á hótel Oimpic

Dagur 10 Frjáls dagur í Heraklion
hádegis og kvöldverður á eigin vegum. Það er gaman að ganga um bæinn en auk þess má fara í skoðunarferð til Knossos sem eru rústir 3600 ára gamallar hallar frá Minoatímabilinu. Fornminjasafn bæjarins sem er rétt hjá hótelinu er alveg einstakt þar eru m.a. ýmsir munir frá þessum uppgreftri. Gröf rithöfundarins Kasansakis er uppi á borgarmúrunum sem er líka í nágreni við hótelið.

Dagur 11
Brottfarardagur ekið til Hania ca 2 og hálfur timi og flogið þaðan til íslands síðdegis